यो राष्ट्रिय स्वतन्त्र पार्टी नेतृत्वको सरकारका तर्फबाट आउने पहिलो बजेट हो । अर्थमन्त्री वाग्लेले पनि पहिलोपटक बजेट प्रस्तुत गर्न लागेका हुन् ।

अर्थ मन्त्रालयका अनुसार बजेट तयार गर्दा सरकारको १०० बुँदे योजना, पार्टीको चुनावी प्रतिबद्धता र विकासका प्राथमिकतालाई आधार बनाइएको छ ।

सरकारले यसपटकको बजेटलाई पारदर्शी, व्यवस्थित र परिणाम देखिने बनाउने दाबी गरेको छ । राष्ट्रिय योजना आयोगले आगामी वर्षका लागि १८ खर्ब ९० अर्ब रुपैयाँको बजेट सीमा तय गरेको छ ।

नयाँ संविधान लागू भएपछि हरेक वर्ष जेठ १५ गते बजेट ल्याउने व्यवस्था छ । त्यसअनुसार आज संसद्मा बजेट प्रस्तुत हुन लागेको हो ।