ककरोच जनता पार्टीका संस्थापक अभिजित दिपकेको स्वागतमा विमानस्थलमा लागि भेला नहुन आग्रह
Prime TV News एक महिना अगाडि 
काठमाडौ । ककरोच जनता पार्टी (सीजीपी) ले समर्थकहरूलाई पार्टीका संस्थापक अभिजित दिपकेको स्वागतमा विमानस्थलमा लागि भेला नहुन आग्रह गरेको छ ।
दिपके यही जुन ६ मा इन्दिरा गान्धी अन्तर्राष्ट्रिय विमानस्थलमा अवतरण हुने कार्यक्रम छ । सोही दिन सो पार्टीले दिल्लीमा प्रदर्शन गर्ने तयारी गरेको छ । एक परीक्षामा प्रश्नपत्र 'लिक' भएको विवादलाई लिएर सीजीपीले जुन ६ मा दिल्लीको जन्तरमन्तरमा विरोध प्रदर्शन गर्ने तयारी गरेको छ ।
त्यसका लागि अमेरिकामा रहेका दिपके भारतका लागि प्रस्थान गरिसकेका छन् । ठूलो संख्यामा मानिसहरू भेला हुँदा विमानस्थलको कार्यसञ्चालनमा अवरोध पुग्न सक्ने भएकाले यस्तो आग्रह गरिएको सीजीपेले जनाएको छ ।
दिपकेले विमानस्थलबाट सिधै पार्लियामेन्ट स्ट्रिट प्रहरी स्टेसन पुगेर जुन ६ मा जन्तरमन्तरमा हुने प्रदर्शनका लागि व्यक्तिगत रूपमा अनुमति माग्ने योजना रहेको बताएका छन् । प्रदर्शनका लागि प्रहरीले अनुमति दिन्छ वा दिँदैन भन्ने विषय अझै अनिश्चित छ ।
