संन्यास घोषणा गर्दै नेयमारले भने, “मैले प्रयास गरेँ, धेरै प्रयास गरेँ। तर अब यो यात्रा सकियो। मैले यहीँबाट सुरुआत गरेको थिएँ र यहीँ आएर अन्त्य गरेँ।”

नेयमारले सन् २०१० को अगस्टमा संयुक्त राज्य अमेरिकाविरुद्धको मैत्रीपूर्ण खेलमार्फत मेटलाइफ स्टेडियमबाटै ब्राजिलका लागि अन्तर्राष्ट्रिय डेब्यु गरेका थिए। सोही खेलमा उनले आफ्नो पहिलो अन्तर्राष्ट्रिय गोल पनि गरेका थिए।

चोटका कारण पछिल्ला वर्षहरूमा लगातार समस्याबाट गुज्रिएका नेयमारले ब्राजिलका लागि १३० खेल खेल्दै ८० गोल गरेका छन्। उनी पेलेको ७७ गोलको कीर्तिमान तोड्दै ब्राजिलको इतिहासमा सर्वाधिक अन्तर्राष्ट्रिय गोल गर्ने खेलाडी बने ।

नर्वेविरुद्धको गोलसँगै नेयमार पेलेपछि चार फरक विश्वकपमा गोल गर्ने दोस्रो ब्राजिलियन पुरुष खेलाडीसमेत बने। यसैबीच, ब्राजिलका मुख्य प्रशिक्षक कार्लो एन्सेलोटीले टोलीमा अब ‘नयाँ चक्र’ सुरु गर्ने समय आएको बताएका छन्।

उनले हार निराशाजनक भए पनि त्यसबाट पाठ सिकेर नयाँ योजनासहित अघि बढ्ने बताएका छन्।