सरकार, राजनीतिक दल र जेनजी नेतृत्वबीच आज त्रिपक्षीय बैठक बस्दै
Prime TV News ३ हप्ता अगाडि 
काठमाडौ । सरकार, राजनीतिक दलका प्रतिनिधि र जेनजी नेतृत्वबीच आज त्रिपक्षीय बैठक बस्दैछ।
प्रधानमन्त्री सुशीला कार्कीले पहिलो पटक राष्ट्रिय मान्यता प्राप्त दलका नेताहरू र जेनजी अगुवा युवा समूहलाई एकै ठाउँमा राखेर छलफल गर्न लागेकी हुन्।
प्रधानमन्त्रीको निवास बालुवाटारमा साँझ ४ बजे बैठक बोलाइएको प्रधानमन्त्री कार्कीको सचिवालयले जनाएको छ । बैठकमा आगामी निर्वाचनलाई सफल बनाउने र मुलुकमा अपेक्षित संरचनात्मक परिवर्तनलाई संस्थागत गर्ने विषयमा छलफल हुने बताइएको छ ।
जेनजी तर्फबाट करिब ८–९ समूहका प्रतिनिधिहरू सहभागी हुने छन् भने राजनीतिक दलहरूबाट दोस्रो तहका नेताहरू सहभागी हुनेछन्।
