सरकार ढाल्ने खेल चलिरहेको सुधन गुरुङको आरोप

Prime TV News १० महिना अगाडि

काठमाडौ । हामी नेपालका संस्थापक सुधन गुरुङले सरकार ढाल्ने खेल चलिरहेको आरोप लगाएका छन्।

केही शक्ति केन्द्रहरू आन्दोलनको परिस्थितिलाई दुरुपयोग गर्दै प्रधानमन्त्री सुशीला नेतृत्वको सरकार कमजोर पार्ने प्रयासमा लागेको आरोप लगाएका हुन् ।उनले भने, “देश संकटमा छ। यस्तो बेला जो कोही सत्ता खेलमा रमाउने मान्छे देशद्रोहीको बराबरी हुन्छ।”

गुरुङले गृहमन्त्रीको कामप्रति तीव्र असन्तोष व्यक्त गर्दै उनी अकुशल भएको आरोप लगाएका छन्। तर सरकार ढाल्नु समाधान होइन भन्दै उनले सरकारलाई राजनीतिक आक्रमणबाट जोगाउने अडान लिएका छन्। “हामी यो सरकारको ढाल हौँ, तर गल्ती देखे भने घुँडामुनि लगेर प्रश्‍न सोध्ने साहस पनि राख्छौँ।”

उनले आन्दोलन सडकमा बालबालिका हत्या, भ्रष्टाचार, र राज्य दमनको विरुद्ध भएको बताए। कुर्सीका लागि आन्दोलन भएको आरोपलाई खारेज गर्दै उनले थपे, “हामीलाई कुर्सी घृणित लाग्छ जब त्यो न्याय कुच्याउने औजार बन्छ। हाम्रो उद्देश्य कुर्सी होइन, न्याय हो।”