राज्य ब्यवस्था तथा सुशासन समितिको सभापति निर्वाचन प्रक्रिया आज देखि

Prime TV News एक महिना अगाडि

काठमाडौ । प्रतिनिधिसभाको राज्य ब्यवस्था तथा सुशासन समितिको सभापति पदकालागि आज मनोनयन गर्दा हुदैछ । सचिवालयले हिजो प्रकाशित निर्वाचन कार्यतालिका अनुसार आज मनोनयन दर्ता हुन लागेको हो ।

निर्वाचन कार्यकालिका अनुसार मनोनयन दिउँसो १ बजेदेखि ४ बजेसम्म रहनेछ । यस्तै सवा ४ बजे उम्मेदवारको सूची प्रकाशन गर्ने र बुधबार दिउँसो तीन बजे समिति बैठक बसेर निर्वाचन गर्ने तालिका छ ।

मनोनयन सचिवालयका सचिवको कार्यकक्षमा गर्न सकिने कार्यतालिकामा उल्लेख छ । समितिका कुनै सदस्यलाई सम्बन्धित समितिको सभापतिमा निर्वाचित गरियोस् भनेर अर्को एक सदस्यको समर्थनसहित मनोनयन प्रस्ताव दर्ता गर्न सकिने कार्यतालिकामा उल्लेख छ ।

राज्य व्यवस्था समिति सभापति रामहरि खतिवडाले साउन २८ गते सङ्घीय निजामती सेवा विधेयकको कुलिङ अफ पिरियडसम्बन्धी व्यवस्थामा छेडखानी भएपछि नैतिकताका आधारमा राजीनामा दिँदा खाली छ । राज्य व्यवस्था तथा सुशासन समिति सभापति दलहरूबिच भागबन्डा हुँदा नेपाली कांग्रेसको भागमा परेको छ । तर कांग्रेसले सभापतिको उम्मेदवार तय गर्न सकेको छैन ।