नेपाल जेनजी फ्रन्टले प्रमुख स्वकीय सचिव आदर्शकुमार श्रेष्ठको बर्खास्त माग

Prime TV News १ हप्ता अगाडि

काठमाडौ । नेपाल जेनजी फ्रन्टकी संयोजक रक्षा बमले प्रधानमन्त्री सुशीला कार्कीका प्रमुख स्वकीय सचिव आदर्शकुमार श्रेष्ठलाई तत्काल पदमुक्त गर्न माग गरेकी छन्। बमले सामाजिक सञ्जालमार्फत श्रेष्ठले नातावाद र कृपावादलाई प्रोत्साहन गर्दै आफ्नै परिवारका सदस्यहरूलाई जागिरमा नियुक्त गरेको आरोप लगाएकी छन्।

उनले यस प्रकारको कार्यले नैतिक भ्रष्टाचारको मार्ग खोल्दै जेनजी विद्रोहको मूल उद्देश्य सुसासन, पारदर्शिता र जवाफदेहिता विपरीत काम गरेको बताइन्छ । संवेदनशील समयमा नागरिक सरकारले लोकतान्त्रिक निकास दिनको लागि गरेको प्रयासमा यस किसिमका स्वार्थी गतिविधिले अपमान पुगेको उनले बताइन् ।

नेपाल जेनजी फ्रन्टले सरकारले आदर्शकुमार श्रेष्ठलाई तत्काल बर्खास्त गर्नसहित पाँच माग पनि अघि सारेको छ। फ्रन्टले नातावाद र कृपावादको प्रबृत्ति रोक्ने, पारदर्शिता र जवाफदेहिता सुनिश्चित गर्ने तथा सरकारलाई सीमित व्यक्तिहरूको प्रभावबाट बचाउने आग्रह गरेको छ।