टी–२० विश्वकपको खेल तालिका सार्वजनिक, नेपालले समूह चरणमै शक्तिशाली टोलीहरूको सामना गर्नुपर्ने

Prime TV News ४ दिन अगाडि

काठमाडौ । आगामी वर्ष भारत र श्रीलंकाले संयुक्त रूपमा आयोजना गर्न लागेको टी–२० विश्वकपको खेल तालिका सार्वजनिक भएको छ ।

अन्तर्राष्ट्रिय क्रिकेट परिषद् (आईसीसी)ले तालिका सार्वजनिक गरेसँगै नेपालले समूह चरणमै शक्तिशाली टोलीहरूको सामना गर्नुपर्ने निश्चित भएको छ।

नेपालले आफ्नो अभियान फेब्रुअरी ८ मा इंग्ल्यान्डविरुद्ध सुरु गर्नेछ। यो खेल निकै भारी छ, किनकि इंग्ल्यान्ड टी–२० क्रिकेटको बलियो र निर्मम प्रतिद्वन्द्वी मानिन्छ। नेपालले विश्वकपको पहिलो कदममै विशाल चुनौती ब्यहोर्नुपर्ने भएको छ ।

नेपालको दोस्रो खेल फेब्रुअरी १२ मा इटालीसँग हुनेछ र यो प्रतिस्पर्धा नेपालका लागि जित्नैपर्ने प्रकृतिको मानिएको छ। त्यसपछि फेब्रुअरी १५ मा नेपाल वेस्ट इन्डिजसँग भिड्नेछ । चौथो खेल फेब्रुअरी १७ मा बंगलादेशविरुद्ध हुनेछ । 

नेपाल तेस्रोपटक टी–२० विश्वकप खेल्दैछ। यस यात्रामा पुगेको उपलब्धि गर्विलो भए पनि, समूह चरणमै नेपाललाई अग्निपरीक्षाजस्तै कठिन भिडन्तले पर्खिरहेको छ।