एनपीएलको पहिलो खेलमा लुम्बिनी लायन्स र सुदूरपश्चिम रोयल्स, दोस्रोमा जनकपुर बोल्टस र पोखरा एभेन्ज भिड्दै

Prime TV News ३ दिन अगाडि

काठमाडौ । नेपाल प्रिमियर लिग अन्तर्गत आज कीर्तिपुरस्थित त्रिवि क्रिकेट मैदानमा दुई महत्वपूर्ण खेल हुने भएका छन्।

बिहान ११:४५ बजे पहिलो खेल लुम्बिनी लायन्स र सुदूरपश्चिम रोयल्सबीच हुनेछ। तीन खेलसम्म अपराजित रहेको सुदूरपश्चिम ६ अंकसहित शीर्ष स्थानमा मजबुत रूपमा उभिएको छ। दीपेन्द्रसिंह ऐरीको नेतृत्वमा रहेको टोली लगातार चौथो जितको खोजीमा छ।सुदूरपश्चिम अहिले उत्कृष्ट लयमा देखिएको छ।

लुम्बिनी लायन्स भने दबाबमा छ। तीन खेलमा जम्मा २ अंक मात्र जोडेको रोहितकुमार पौडेलको टोली लगातार हारपछि पुनरागमनका लागि संघर्षरत छ।

दोस्रो खेल दिउँसो ४ बजे जनकपुर बोल्टस र पोखरा एभेन्जर्सबीच हुनेछ। दुवै टोलीले दुई–दुई खेल खेलिसक्दा पनि अंक खोल्न सकेका छैनन्। अनिल शाहको नेतृत्वमा रहेको जनकपुर र कुशल भुर्तेलको कप्तानीमा रहेको पोखरा दुवैले आजको म्याचलाई जीवनरक्षक अवसरका रूपमा हेरेका छन् ।