एनपीएलमा आज दुई निर्णायक भिडन्त: चार टिमको भाग्य परीक्षण

Prime TV News २ दिन अगाडि

काठमाडौ । नेपाल प्रिमियर लिगमा शुक्रबार दुई महत्वपूर्ण खेल हुँदैछन्। पहिलो खेल बिहान ११:४५ बजे चितवन राइनोज र काठमाण्डु गोर्खाजबीच हुनेछ।

काठमाण्डुले चार खेल खेलेर पनि केवल चार अंक बटुलेको छ । जुन निराशाजनक प्रदर्शन हो। चितवनले तीन खेलमै चार अंक जोडेपछि तुलनात्मक रूपमा राम्रो स्थितिमा छ। तालिकामा चितवन तेस्रो र काठमाडौं चौथो स्थानमा छन्। चितवनको नेतृत्व कुशल मल्लले गर्नेछन् भने काठमाण्डुको कप्तानी करण केसीका काँधमा छ।

दिउँसो ४ बजेको दोस्रो खेल कर्णाली याक्स र विराटनगर किंग्सबीच हुनेछ। विराटनगरले चारमध्ये तीन खेल जितेर ६ अंक जोडेको छ, जुन बलियो र स्थिर प्रदर्शन मानिन्छ। अर्कोतर्फ कर्णालीले तीनमध्ये एक मात्रै जितेको छ ।

विराटनगर तालिकाको दोस्रो स्थानमा उभिएको छ भने कर्णाली पाँचौँ स्थानमा थामिन बाध्य छ। कर्णालीलाई सोमपाल कार्कीले नेतृत्व गर्नेछन् भने विराटनगरको कप्तानी सन्दीप लामिछानेका हातमा छ।