दोस्रो खेल साँझ ४ बजे सुदूरपश्चिम रोयल्स र जनकपुर बोल्टसबीच हुनेछ। सुदूरपश्चिम अहिले चार खेल जितेर ८ अंकसहित शीर्ष स्थानमा छ। यसको अगाडि जनकपुरको हालत अत्यन्तै खराब छ । तीनै खेल हारेर शून्य अंकमा तालिकाको पुछारमा धसिएको छ। सुदूरपश्चिमको कप्तानी दीपेन्द्रसिंह ऐरीले सम्हालेका छन् । जनकपुरको पतन रोक्ने जिम्मा अनिल साहका काँधमा छ ।

अंक तालिकामा अपराजित सुदूरपश्चिम ८ अंकसहित शीर्षमा छ। विराटनगरले पनि पाँच खेलमा ८ अंक ल्याएको छ तर रनरेट कमजोर भएकाले दोस्रो स्थानमा छ। काठमाण्डु ६ अंकसहित तेस्रोमा, चितवन ४ अंकमा छ। कर्णाली, पोखरा र लुम्बिनी २–२ अंकमा छन्। जनकपुर अझै अंकविहीन पुछारमै छ ।