लुम्बिनीमा नेकपाको एकता सन्देश सभा आज, शीर्ष नेताहरूको उपस्थिति

Prime TV News एक दिन अगाडि

काठमाडौ । नेकपा गठनपछि देशभर सुरू गरिएको एकता सन्देश अभियान आज लुम्बिनी प्रदेशमा प्रवेश गर्ने भएको छ। पार्टीले दाङको देउखुरीमा प्रदेशस्तरीय एकता सन्देश सभा आयोजना गर्न लागेको हो।

सभामा संयोजक पुष्पकमल दाहाल ‘प्रचण्ड’, सह–संयोजक माधवकुमार नेपाल, नेता भीम रावल, वर्षमान पुनलगायत शीर्ष नेताहरू उपस्थित रहनेछन्।

गत कात्तिक १९ गते एक दर्जनभन्दा बढी वामपन्थी घटकलाई एकताबद्ध गर्दै पार्टी निर्माण गरिएको घोषणा भएको थियो। त्यसपछि नेकपाले प्रदेश–प्रदेशमा ठूलो जनसमागमसहित एकता सन्देश सभा अघि बढाइरहेको छ।

यसअघि शुक्रबार धनगढीमा आयोजित सन्देश सभामा ठूलो उपस्थिति देखिएको थियो। सोही क्रमलाई लुम्बिनीमा पनि दोहोर्‍याउने तयारी गरिएको छ।