प्रधानमन्त्री कार्कीद्वारा राजनीतिक दलभित्र मेलमिलापको आवश्यकतामा जोड

Prime TV News १६ घण्टा अगाडि

काठमाडौ । प्रधानमन्त्री सुशीला कार्कीले राजनीतिक दलभित्र मेलमिलाप अनिवार्य रहेको बताएकी छिन्। आइतबार गैरआवासीय नेपाली सङ्घ (एनआरएनए)को एकता घोषणा सभालाई सम्बोधन गर्दै उनले सङ्कटका बेला एनआरएनएको योगदानको प्रशंसा गर्दै धन्यवाद दिइन्। प्रधानमन्त्री कार्कीले भनिन्, “यहाँहरूको बलियो उपस्थिति भयो। एक हुनुभयो। तपाईँहरू आफ्नै परिवारको सदस्य हो।”

उनले विदेशमा बस्ने एनआरएनए पनि नेपालका राजनीति र दलहरूको परिस्थितिबारे जानकार रहेको उल्लेख गर्दै, पदका लागि दलभित्र छिनाझपटी र विवाद भए पनि मेलमिलाप आवश्यक रहेको बताइन्। उनीले थपिन्, “नेता नेता फुटेको र चिरा परेजस्तो देखिएको अवस्था तथा दलहरूबीच पानी बराबरको अवस्था मुलुक चलाउन सक्दैन। एनआरएनएको एकताबाट दलहरूले पनि सिक्नुपर्छ।”

प्रधानमन्त्री कार्कीले एनआरएनएबारे नागरिकताको चासो रहेको उल्लेख गर्दै, यसको हितमा सकेसम्म पहल गर्ने आश्वासन दिइन्।