आजदेखि म पनि स्वतन्त्र भए, विवेकशील पनि स्वतन्त्र भयोः मिलन पाण्डे

Prime TV News १४ घण्टा अगाडि

काठमाडौ । विवेकशील साझा पार्टीका नेता मिलन पाण्डे राष्ट्रिय स्वतन्त्र पार्टी सँगको एकीकरणमा सहभागी नहुने भएका छन्।

सामाजिक सञ्जालमार्फत उनले लेखेका छन्, “विवेकशील साझा र रास्वपाको एकीकरणमा जुट्नुभएको सबै साथीहरूलाई शुभकामना छ। म यो एकीकरणमा सामेल छैन।” पाण्डेले केही समयको ‘कुलिङ पिरियड’ लिएर मौन रहने र त्यसपछि नयाँ तरिकाले राजनीतिक यात्रा सुरु गर्ने योजना घोषणा गरेका छन्।

उनले थपेका छन्, “आजदेखि म पनि स्वतन्त्र भएँ। विवेकशील पनि स्वतन्त्र भयो।” आज दिउँसो २ बजे राष्ट्रिय सभागृहमा रास्वपा र विवेकशील साझा पार्टीबीच एकता घोषणासभा हुने कार्यक्रम छ। पाण्डेले एकीकरण प्रक्रियामा सहभागी नहुने निर्णय सभाअगाडि नै सार्वजनिक गरेका हुन्।