एमाले महाधिवेशन प्रतिनिधि छनोट जारी, सचिव भट्टराईले संयमता अपनाउन अपिल

Prime TV News १३ घण्टा अगाडि

काठमाडौ । नेकपा एमालेको एघारौँ महाधिवेशनकालागि प्रतिनिधि छनोट प्रक्रिया शनिबार सम्पन्न भएको निर्वाचनको नतिजा आइतबार सार्वजनिक हुँदैछ।

कतिपय स्थानमा प्रतिनिधि मतपरिणामबाट चयन भएका छन् भने कतिपय ठाउँमा सर्वसम्मत रूपमा प्रतिनिधि चुनिएका छन्। केही स्थानमा प्रतिनिधि छनोटको क्रममा हात हालाहालसमेत भएको घटना सार्वजनिक भएको छ।

एमालेका सचिव योगेश भट्टराईले पार्टीभित्र आवेग र उत्तेजनाबाट दुर्घटना हुन सक्ने भएकाले संयमता अपनाउन सबै प्रतिनिधिहरूलाई अपिल गरेका छन्। उनले भनेका छन्, “आज नेकपा एमालेका लागि आवेग र उत्तेजनाको कुनै अर्थ छैन। संयमता, धैर्यता र सहकार्य हाम्रो पार्टीको संस्कृति हो।”

सचिव भट्टराईले प्रतिनिधिहरूलाई पुनर्गठन र पार्टी एकताबद्धताको सन्तुलित कार्य अघि बढाउन निर्देशन दिएका छन्। उनले थपे, “हामीले पार्टीको पुनर्गठनलाई सशक्त ढंगले अघि बढाउँदै एमालेलाई जनपक्षीय, राष्ट्रवादी र लोकतान्त्रिक पार्टीका रूपमा स्थापित गर्नुपर्नेछ।”