बैंकिङ कसुर आरोपमा प्रभु बैंकका सिइओ अशोक शेरचन पक्राउ

Prime TV News १० घण्टा अगाडि

काठमाडौ । प्रभु बैंकका सिइओ अशोक शेरचन बैंकिङ कसुर सम्बन्धी आरोपमा पक्राउ परेका छन्।

केन्द्रीय अनुसन्धान ब्युरो (सिआइबी)ले शेरचनलाई पक्राउ गरेको हो । पक्राउ संगै प्रारम्भिक अनुसन्धानमा कर्जा दुरुपयोग र बैंकलाई हानि नोक्सानी पुगेको आशंका रहेको जानकारी दिए। सिआइबीका अनुसार बैंकिङ कसुर गरेको प्रमाण देखिएको र अपरेशन अहिले चलिरहेको जनाएको छ ।

शेरचनमाथि लागेको आरोप अनुसार कर्जा प्रक्रियामा अनियमितता भएको र त्यसले बैंकलाई आर्थिक क्षति पुर्‍याएको देखिन्छ। यसअघि पनि प्रभु समूहसँग सम्बन्धित व्यक्तिमाथि कारबाही भएको थियो।

केही दिनअघि सिआइबीले प्रभु म्यानेजमेन्टका पूर्वशेयरधनी तथा लेखा शाखामा कार्यरत हेमकुमार महाजुलाई ठगी, आपराधिक विश्वासघात र अवैध लाभ सम्बन्धी कसुरमा पक्राउ गरेको थियो। महाजुमाथि हुँडी कारोबार गरेको आरोप छ। शेरचन पक्राउ परेसँगै बैंकिङ क्षेत्र र आर्थिक बजारमा थप चासो बढेको छ।