चीनले दियाओउ दाओ क्षेत्रमा प्रवेश गरेको जापानी माछा मार्ने जहाज निष्कासन

Prime TV News एक घण्टा अगाडि

काठमाडौ । चीनले आफ्नो दियाओ दाओ क्षेत्रको पानीमा अवैध रूपमा प्रवेश गरेको आरोपमा जापानी माछा मार्ने जहाजलाई निष्कासन गरेको घोषणा गरेको छ।

चीनको चाइना कोस्ट गार्ड (सीसीजी) का प्रवक्ता लिउ डेजुनलाई उद्धृत गर्दै सिन्ह्वा समाचार एजेन्सीले मंगलबार जानकारी दिएको छ। प्रवक्ताका अनुसार, सीसीजीले कानुनअनुसार आवश्यक नियन्त्रण उपायहरू अपनाउँदै जहाजलाई चेतावनीसहित फर्काएको छ।

लिउ डेजुनले दियाओउ दाओ र यसका टापुहरू चीनको अभिन्न हिस्सा भएको र चीनले आफ्नो क्षेत्रीय सार्वभौमिकता तथा समुद्री अधिकारको रक्षा दृढतापूर्वक जारी राख्ने बताए। सीसीजीले पनि दियाओउ दाओ क्षेत्रमा आफ्नो अधिकार संरक्षण कानून प्रवर्तन अपरेसनहरू जारी राख्ने स्पष्ट पारेको छ।

विश्लेषकहरूले यस घटनालाई चीन र जापानबीचको समुद्री सीमासम्बन्धी संवेदनशीलतालाई अझ उजागर गर्ने संकेतका रूपमा लिएको बताइएको छ ।