मंगलबार नेप्से परिसूचकमा झिनो गिरावट, केही कम्पनीको मूल्यमा ठूलो वृद्धि

Prime TV News ५३ मिनेट अगाडि

काठमाडौ । मंगलबार सेयर बजारमा नेप्से परिसूचक ०.५३ अंक घटेर २६४४.७० मा पुगेको छ। कारोबारको क्रममा दिउँसो १२:५१ बजे नेप्से २६५२ अंकसम्म पुगेको थियो । जुन दिनको उच्चतम बिन्दु रह्यो। अघिल्लो दिन नेप्से ४ अंक घटेको थियो भने कारोबार रकम पनि घटेर ४ अर्ब ४८ करोडमा सीमित भएको छ।

कुल १२५ कम्पनीको मूल्य बढ्दा ११९ कम्पनीको मूल्य घटेको छ भने १३ कम्पनी स्थिर छन्। घटेका समूहमा बैंकिङ ०.५८%, होटल तथा पर्यटन ०.६२%, लगानी ०.०४%, जीवन बीमा ०.५७%, माइक्रोफाइनान्स ०.०६% छन् ।

यस्तै बढेका समूहमा विकास बैंक ०.१७%, फाइनान्स ०.२७%, जलविद्युत् ०.७०%, उत्पादन तथा प्रशोधन ०.५१%, निर्जीवन बीमा ०.२६% रहेको छ । यस्तै सागर डिस्टिलरी, स्वस्तिक लघुवित्त, झापा इनर्जी, माबिलुङ इनर्जी, बुङ्गल हाइड्रोपावर र श्रीनगर एग्रिटेक कम्पनीको मूल्य १० प्रतिशतले बढेको छ।

अन्य कम्पनीहरूमा रसुवागढी हाइड्रोपावर ८.६१%, विकास हाइड्रोपावर ६.४८%, दरामखोला हाइड्रोपावर ६.२७% र पिपुल्स हाइड्रोपावर ६.१८% ले मूल्य बढेको छ। सर्वाधिक मूल्य घटेका कम्पनीमा ग्रिन भेन्चर्स ९.८५%, स्टान्डर्ड चार्टर्ड बैंक ३.८८%, पोखरा फाइनान्स २.५०% रहेको छ ।

आज सबैभन्दा धेरै कारोबार भएका कम्पनीहरू युनियन हाइड्रोपावर, माउन्टेन इनर्जी, ङादी ग्रुप, ग्रिन भेन्चर्स र युनाइटेड मोदी हाइड्रोपावर रहेका छन्।