ललितपुरको पाटन दरबार स्क्वायर क्षेत्रमा कला तथा सांस्कृतिक महोत्सव हुँदै
Prime TV News एक घण्टा अगाडि 
काठमाडौ । नेपाल हस्तकला महासंघले बुधबारदेखि ललितपुरको पाटन दरबार स्क्वायर क्षेत्रमा कला तथा सांस्कृतिक महोत्सव आयोजना गर्ने भएको छ ।
मंगलबार काठमाडौंमा पत्रकार सम्मेलन गर्दै महासंघले हस्तकलाका सामग्रीको प्रचारप्रसार एवं प्रवर्दन गर्ने उद्देश्यले मंसिर १७ गते बुधबारदेखि २१ गतेसम्म महोत्सवको आयोजना गरिएको जनाएको हो ।
महोत्सवमा हस्तकलाका सामग्री, नेपालका ६० र दक्षिण कोरियाका ४० मुखौटा, बुद्ध धर्मअनुसार दश कर्ममा प्रयोग हुने गरगहना, जातीय पोसाक लगाएतको प्रदर्शनी रहने महासंघका अध्यक्ष रविन्द्र शाक्यले जानकारी दिए । उनले हाल देशको परिवर्तनशील अवस्थामा हस्तकला क्षेत्रलाई चलायमान बनाउन महोत्सव आयोजना गरिएको बताए ।
नेपाल सरकारले स्थानीय उत्पादन खरिद गर्ने निर्णय गरेपनि व्यहारमा लागू हुन नसकेको र स्वदेशी बस्तुजस्तै देखिनै आयातित सामानले थप मर्कामा परेको उनीहरुको गुनासो छ । अध्यक्ष शाक्यले बागमति प्रदेश सरकारले हस्तकला ग्राम नीति पारित गरेपनि कार्यविधि र नियमावलीमा अड्कीएकाले थप अन्यौल सिर्जना भएको बताए ।
