अमेरिकी विशेष दूतले, युक्रेनका कूटनीतिक अधिकारीहरूसँग गरे भेटवार्ता
Prime TV News एक महिना अगाडि 
काठमाडौ । रूसी राष्ट्रपति भ्लादिमिर पुटिनसँग गोप्य र संवेदनशील वार्ता गरेर फर्केका अमेरिकी विशेष दूत स्टिभ विटकफ युक्रेनका कूटनीतिक अधिकारीहरूसँग भेटिएका छन्।
युक्रेनका विदेशमन्त्री एन्ड्री सिबाहाका अनुसार, पुटिनसँगको भेट वार्ताको ढोका खुल्न सक्ने संकेत जस्तो देखिएको छ। विटकफले युद्ध अन्त्य गर्ने मार्ग खोज्ने लक्ष्य लिएर यात्रा गरेका छन्। युक्रेनलाई चाँडै अमेरिकामा दोहोरो वार्ताका लागि बोलाइएको छ। रूसले अमेरिकी शान्ति प्रस्तावका केही बुँदामा विचार गर्न तयारी देखाएको छ । यद्यपि यसअघि मंगलबारको संवाद परिणामविहीन भएको कुरा रूसी अधिकारीहरूले आफैं स्वीकारेका थिए। यस्तै वातावरणमा ब्रसेल्समा बसेको नेटो विदेशमन्त्रीहरूको बैठकमा महासचिव मार्क रुटले सदस्य देशहरूलाई युक्रेनलाई सहयोग कमजोर पारियो भने परिणाम विध्वंसकारी हुने बताए ।
