सुडानमा कालोगीको किन्डरगार्टेनमा ड्रोन आक्रमण, ३३ बालबालिकासहित कम्तीमा ५० को मृत्यु
Prime TV News एक महिना अगाडि 
काठमाडौ । सुडान दक्षिण कोर्डोफान प्रान्तको कालोगी सहरमा भएको ड्रोन आक्रमणमा ३३ बालबालिकासहित कम्तीमा ५० जनाको मृत्यु भएको पुष्टि गरिएको छ।
सुडानको सेना र सुडान डक्टर्स नेटवर्कका अनुसार, आक्रमण र्यापिड सपोर्ट फोर्सेजले गरेको आरोप लगाइएको छ। र्यापिड सपोर्ट फोर्सेजले भने घटनाबारे केही प्रतिक्रिया दिएको छैन ।
सेना निकट विदेश मन्त्रालयले ड्रोनबाट दुई पटक मिसाइल प्रहार गरिएको र उद्धारका लागि पुगेका सर्वसाधारण तथा स्वास्थ्यकर्मीहरू समेत लक्षित गरिएको जनाएको छ।
युनिसेफका प्रवक्ता शेल्डन येटले यो घटनालाई बालअधिकारको जघन्य उल्लङ्घन भनेका छन्। उनका अनुसार, युद्ध जे होस्, यसको मूल्य स-साना जीवनले तिर्नु पर्ने स्थिति असह्य र अस्वीकार्य छ।
यता र्यापिड सपोर्ट फोर्सेजले उल्टै सेनामाथि प्रत्याक्रमणको आरोप लगाउँदै दारफुर क्षेत्रमा अद्रे सीमा नजिकै इन्धन डिपो तथा बजारमा ड्रोन हानिएको दाबी गरेको छ। सुडानमा सेना र र्यापिड सपोर्ट फोर्सेजबचि अप्रिल २०२३ देखि द्वन्द्व चलिरहेको छ।
