बुधबार नेप्से परिसूचक घट्यो, कारोबार पनि केही कम

Prime TV News एक महिना अगाडि

काठमाडौ । बुधबार नेप्से परिसूचक घटेर २६०६.२० विन्दुमा बन्द भएको छ।

गत साताको पहिलो कारोबार दिनदेखि घट्दो क्रममा रहेको नेप्से मंगलबार सामान्य अंकले बढेको थियो । तर बुधबार पुनः घटेको हो। यस दिन नेप्सेले ७.८६ अंक, सेन्सेटिभ इन्डेक्स ०.८६ अंक, फ्लोट इन्डेक्स ०.५३ अंक र सेन्सेटिभ फ्लोट इन्डेक्स ०.२८ अंकले गिरावट गरेको छ।

नेप्सेसँगै कारोबार रकम पनि घटेको छ। बुधबार ३२९ स्टकको ९१,३९४ पटकको कारोबारमा ८६ लाख ४७ हजार कित्ता शेयर खरिदबिक्री भएको छ । जसको मूल्य ३ अर्ब ७३ करोड ८७ लाख ७२ हजार रुपैयाँ रहेको छ।

अघिल्लो दिन कारोबार रकम ३ अर्ब ७५ करोड रुपैयाँ थियो। आज स्वस्तिक लघुवित्त वित्तीय संस्था, मुक्तिनाथ कृषि कम्पनी र एसवाई प्यानल नेपालका शेयर सकारात्मक सर्किटमा कारोबार भएका छन्।

साथै, लक्ष्मी लघुवित्त वित्तीय संस्थाको शेयर मूल्य ८.५%, र थ्रिस्टार हाइड्रोपावरको शेयर मूल्य ७%**ले बढेको छ। सबैभन्दा बढी घटेको शेयर झापा इनर्जीको ९.३०% हो। कारोबार रकमको आधारमा श्रीनगर एग्रीटेक इन्डष्ट्रीज शीर्ष स्थानमा रहेको छ।

यस कम्पनीको शेयर २६ करोड ३९ लाख रुपैयाँबराबर कारोबार भएको छ। त्यसैगरी, ङादी ग्रुप पावरको १७ करोड रुपैयाँ र युनिभर्सल पावर कम्पनीको ११.५ करोड रुपैयाँभन्दा बढीको शेयर किनबेच भएको छ। बुधबार १३ उपसमूहमध्ये १ उपसमूहको परिसूचक बढेको छ भने बाँकी १२ उपसमूह घटेका छन्। घटेका उपसमूहको गिरावट दर १% भन्दा कम रहेको छ।

म्युचुअल फण्ड उपसमूह मात्र सामान्य बढेको छ।