भेनेजुएलाको कडा प्रतिक्रिया: 'यो चोरी र समुद्री डकैती'

Prime TV News २ महिना अगाडि

काठमाडौ । भेनेजुएलाले अमेरिकाले गरेको हालको सैन्य कारबाहीलाई अन्तर्राष्ट्रिय कानुनविरुद्धको 'खुला चोरी' र 'समुद्री डकैती' को रूपमा घोर निन्दा गरेको छ।

अमेरिकी सेनाले भेनेजुएलाको तट नजिकैबाट ठूलो तेल ट्यांकर नियन्त्रणमा लिएपछि काराकासले यस्तो आक्रोशपूर्ण प्रतिक्रिया दिएको हो।

भेनेजुएलाले यसअघि पनि अमेरिका आफ्नो राष्ट्रपति निकोलस मादुरोलाई हटाउने दुर्भावनापूर्ण प्रयास गरिरहेको दाबी गर्दै आएको छ।

वाशिंगटनले भने पछिल्ला हप्ताहरूमा यस क्षेत्रमा आफ्नो सैन्य उपस्थिति बढाउने कार्यलाई 'लागुपदार्थ तस्करीविरुद्धको अभियान' भनी व्याख्या गर्दै आएको छ ।