सशस्त्र प्रहरीले प्रतिनिधि सभा निर्वाचनका लागि तय गर्यो परिचालन नीति

Prime TV News एक महिना अगाडि

काठमाडौ । सशस्त्र प्रहरी बलले आगामी प्रतिनिधि सभा निर्वाचनको तयारीका लागि आफ्नो १७ बुँदे परिचालन नीति सार्वजनिक गरेको छ। आगामी फागनु २१ गते हुने निर्वाचनलाई पारदर्शी, निष्पक्ष र भयरहित वातावरणमा सम्पन्न गर्न सशस्त्र प्रहरी बलले यो नीति लागू गरेको हो।

सूचना अधिकारी र प्रवक्ता, डीआईजी मनिष थापाले जानकारी दिँदै भने, "निर्वाचनको एक महिनाअघि नै सुरक्षा वेशहरूको स्थापना गरिनेछ र स्ट्राइकिङ्ग र मोबाइल टोलीहरू १५ दिन अगाडि परिचालन गरिने छन्। यसले निर्वाचन क्षेत्रका संवेदनशील स्थानहरूको निगरानी र सुरक्षा सुदृढ गर्न महत्वपूर्ण भूमिका खेल्नेछ।"

सशस्त्र प्रहरी बलका अनुसार, निर्वाचनलाई कुनै पनि प्रकारको अराजकता र अव्यवस्थाबाट बचाउन सुरक्षा व्यवस्था कडा पारिनेछ। यो नीति लागू गर्नका लागि विशेष तयारी गरिएको छ, जसमा सुरक्षा बलका विभिन्न टोलीहरूलाई संवेदनशील स्थानमा तैनाथ गरिनेछ।

आन्दोलनका क्रममा लुटिएका हतियार र कारागारबाट भागेका कैदीबन्दीहरूको नियन्त्रण अझै सुनिश्चित नभएको अवस्थामा आगामी निर्वाचन विशेष चुनौतीपूर्ण मानिएको छ। यसैले, सशस्त्र प्रहरी बलले हतियारको दुरुपयोग र कैदीहरूको पुनः नियन्त्रण सुनिश्चित गर्न थप सुरक्षा उपायहरू अवलम्बन गर्ने जनाएको छ।

सशस्त्र प्रहरी बलले भनेको छ कि निर्वाचनको दौरान भयरहित वातावरण सिर्जना गर्नका लागि कुनै कसर बाँकी राख्ने छैन। निर्वाचन क्षेत्रका सबै सुरक्षा व्यवस्था त्रुटिरहित ढंगले कार्यान्वयन गर्न यो नीति बनाइएको हो।