ओली र पोखरेलबीच प्यानल बनाउने प्रतिस्पर्धा, महासचिवमा पोखरेल र पाण्डेको भिडन्त लभभग पक्का

Prime TV News एक महिना अगाडि

काठमाडौ । नेकपा एमालेको ११औं महाधिवेशन अन्तर्गत नयाँ नेतृत्व चयनको प्रक्रिया तीव्र हुँदै छ।

अध्यक्ष पदको लागि प्रतिस्पर्धा गर्ने प्रमुख उम्मेदवारहरू केपी शर्मा ओली र ईश्वर पोखरेलबीच प्यानल बनाउने प्रतिस्पर्धा सुरु भएको छ। यस प्यानल निर्माण प्रक्रियाले आगामी नेतृत्व चयन र पार्टीको भविष्यका रणनीतिहरूमा महत्वपूर्ण भूमिका खेल्ने निश्चित छ।

अध्यक्ष केपी शर्मा ओलीले तेस्रो कार्यकालका लागि उम्मेदवारी दर्ता गर्ने तयारी गरेसँगै उनी आफ्नो प्यानल निर्माणमा व्यस्त छन्। ओलीको टिमबाट महासचिवको पदका लागि शंकर पोखरेलको नाम लगभग पक्का भएको छ। पोखरेल हालको महासचिव हुन् ।

त्यसैगरी, पोखरेल प्यानलले पनि आफ्नो उम्मेदवारहरू घोषणा गर्न थालेका छन्। सोमबार पोखरेल समूहले सुरेन्द्र पाण्डेलाई महासचिव पदको उम्मेदवार बनाउन निर्णय गरेको थियो। पाण्डे हाल उपाध्यक्ष पदमा कार्यरत छन् । पाण्डे जो पोखरेल समूहका एक विश्वासपात्र नेता मानिन्छन्।

नेकपा एमालेको नेतृत्व चयनका लागि मंगलबार निर्वाचन गर्ने तयारी छ। उम्मेदवारहरूको नाम दर्ता र प्यानल निर्माणको प्रक्रिया अब अन्तिम चरणमा प्रवेश गरेको छ। एमालेका कार्यकर्ता र नेताहरूले आगामी नेतृत्वका लागि आफ्नो अन्तिम निर्णय गरिरहेका छन्। पार्टीको आन्तरिक प्रतिस्पर्धा र सहमति प्रक्रियाले आगामी नेतृत्वको दिशा तय गर्नेछ।