यी हुन् मतदानमा अनुपस्थित हुने प्रतिनिधि ( सूची सहित )
Prime TV News ४ हप्ता अगाडि 
काठमाडौ । नेकपा एमालेको नयाँ नेतृत्व चयनका लागि भएको मतदानमा ३६ जना महाधिवेशन प्रतिनिधि अनुपस्थित भएका छन्। निर्वाचन आयोगका अनुसार कुल २ हजार २ सय ६३ मतदातामध्ये २ हजार २ सय २७ जनाले मतदान गरेका छन्, जसअनुसार ९८.०४ प्रतिशत मत खसेको छ।
निर्वाचन आयोगका उपाध्यक्ष सानुराजा पोखरेलले बुधबार बिहान ९ बजेदेखि सुरु भएको मतदान आज बिहान ७ बजे सम्पन्न भएको जानकारी दिए। करिब २२ घण्टा लामो मतदान प्रक्रिया शान्तिपूर्ण रूपमा सम्पन्न भएको आयोगको दाबी छ।
मतदानको सुरुवात अध्यक्ष पदका उम्मेदवारद्वय केपी शर्मा ओली र ईश्वर पोखरेलले गरेका थिए। अन्तिम मतदान नेता योगेश भट्टराईले गरेका थिए।
पटक–पटक समय सरेर ढिलाइका बीच सम्पन्न भएको मतदानमा उच्च सहभागिता देखिए पनि प्रतिनिधि अनुपस्थित हुनु र लामो समय लाग्नुले महाधिवेशन व्यवस्थापनमाथि प्रश्न उठाएको छ। अब एमालेको ध्यान मतगणना र नयाँ नेतृत्वको औपचारिक घोषणातर्फ केन्द्रित भएको छ।
मतदानमा अनुपस्थित हुने प्रतिनिधि:
