आयोगले कानुनी तथा प्रशासनिक कारणले केही पदाधिकारीको नाम मतदाता नामावलीबाट हटाइएको जनाएको छ। प्रदेश सभा सदस्यतर्फ अदालतको आदेशअनुसार पदमुक्त भएका एक जना र निलम्बनमा रहेका चार जना गरी पाँच जना नामावलीमा समावेश छैनन्। यस्तै, स्थानीय तहका पदाधिकारीमध्ये निधन भएका एक जना र निलम्बनमा रहेका सात जना गरी आठ जनाको नाम हटाइएको छ।

निर्वाचन प्रक्रियाअनुसार प्रदेश सभा सदस्यको मतभार ५३ तोकिएको छ भने गाउँपालिकाका अध्यक्ष–उपाध्यक्ष तथा नगरपालिकाका प्रमुख–उपप्रमुखको मतभार १९ कायम गरिएको छ। मतभारका आधारमा हुने मतदानबाट राष्ट्रिय सभाका रिक्त सदस्य चयन गरिनेछ।

निर्वाचन आयोगले प्रारम्भिक मतदाता नामावलीमा कुनै त्रुटि वा आपत्ति भए तोकिएको समयसीमाभित्र आवश्यक प्रक्रिया पूरा गरी सच्याउन सकिने जनाएको छ।