युरोपियन फुटबल जनवरी विन्डो तात्दै: लिभरपुल र बार्सिलोनाका आकर्षक ट्रान्सफर प्रस्ताव, रियाल मड्रिडको रोड्रिगोको भविष्यमा नयाँ मोड

Prime TV News २ हप्ता अगाडि

काठमाडौ । जनवरी २०२५ को फुटबल ट्रान्सफर विन्डो अहिले युरोपका प्रमुख क्लबहरूका लागि अति महत्त्वपूर्ण बनेको छ। सबैको ध्यान अहिले लिभरपुल र बार्सिलोनाको बीचमा चलिरहेको ट्रान्सफर संघर्षमा छ । जसमा इंग्लिस क्लब लिभरपुलले आफ्नो स्टार रक्षक भर्जिल भान डाइकको विकल्पका रूपमा इन्टर मिलानका एलेसान्ड्रो बास्टोनीलाई आर्कषण गरेको छ।

यद्यपि, यस डीलमा बार्सिलोना पनि सामेल छ । जसले आफ्नो एकेडेमी उत्पाद गाभीलाई 'एक्सचेन्ज' प्रस्तावमा राखेर बास्टोनीको सेवाहरू लिई आफ्नो डिफेन्सलाई बलियो बनाउन चाहन्छ। यसका लागि दुई प्रमुख क्लबहरूको बीचमा प्रतिस्पर्धा बढिरहेको छ।

अर्को प्रमुख घटनाक्रम भनेको रियाल मड्रिडका फरवार्ड रोड्रिगोको भविष्य हो। इंग्लिस प्रिमियर लिग क्लब म्यानचेस्टर सिटीले रोड्रिगोको लागि ६० मिलियन पाउन्डको प्रस्ताव गरेको थियो । जुनमा ‘एड–वान्स’को रूपमा २० मिलियन पाउन्ड थप्न प्रस्ताव गरिएको थियो। तर, रियाल मड्रिडले यो प्रस्ताव अस्वीकार गर्दै रोड्रिगोको मूल्य ८० मिलियन पाउन्डको रहेको जनाएको छ।

रियाल मड्रिडका लागि रोड्रिगो अत्यन्तै महत्त्वपूर्ण खेलाडी रहेका छन् र क्लबले उनको भविष्यका लागि उच्च मूल्य निर्धारण गरेको देखिन्छ। यो डील अस्वीकृत भएपछि, सिटीले आफ्नो शिकार खोज्न अर्को विकल्पमा ध्यान केन्द्रित गर्न सक्ने अनुमान गरिँदैछ।

जनवरीको ट्रान्सफर विन्डोले युरोपका प्रमुख क्लबहरूलाई तीव्र चुनौतीको सामना गरिरहेको छ। रियाल मड्रिड र म्यानचेस्टर सिटी पनि गम्भीर रूपमा आफ्नो स्क्वाडलाई मजबुत बनाउन सक्रिय छन्। लिभरपुल र बार्सिलोना जस्ता क्लबहरूले आफ्नो डिफेन्सलाई सुधार्ने कसम खाएका छन् । जबकि सिटी र रियाल मड्रिडले आफ्नो फरवार्ड र अट्याकिङ खेललाई तिव्रता दिन चाहिरहेका छन्।