कक्षा १२ को पूरक परीक्षा तालिका संशोधन, असोज ७ र ८ गते सञ्चालन हुने

Prime TV News २ हप्ता अगाडि

काठमाडौं । राष्ट्रिय परीक्षा बोर्डले कक्षा १२ को पूरक परीक्षा असोज ७ र ८ गते सञ्चालन गर्ने भएको छ। यसअघि, भदौ २८ र २९ गतेका लागि परीक्षा तालिका सार्वजनिक गरिएको थियो, तर देशको वर्तमान अवस्थाको कारण तालिकामा संशोधन गरी नयाँ तालिका जारी गरिएको हो।

नयाँ तालिका अनुसार, असोज ७ गते अनिवार्य अङ्ग्रेजी र अनिवार्य नेपालीका परीक्षाहरू हुनेछन्। दुई विषयको परीक्षा दिने परीक्षार्थीहरूलाई पहिलो दिन अनिवार्य अङ्ग्रेजी र दोस्रो दिन अनिवार्य नेपाली विषयको परीक्षा दिनुपर्नेछ।

यसै गरी, असोज ८ गते दुई विषयको परीक्षा दिने परीक्षार्थीहरूले आफूले परीक्षा दिने विषयमध्येको ठूलो कोड नम्बर भएको विषयको परीक्षा दिनेछन्। परीक्षाका लागि परीक्षा केन्द्रहरू पहिले नै निर्धारण गरिएको छ, र परीक्षार्थीहरूले आफ्ना परीक्षा केन्द्रमा उपस्थित हुनु पर्नेछ।