प्रतिनिधि सभा विघटनपछि ३० विधेयक निष्क्रिय, राष्ट्रिय सभामा रहेका विधेयक प्रभावित छैनन्

Prime TV News २ हप्ता अगाडि

काठमाडौ । नेपालको संविधान अनुसार प्रतिनिधि सभा विघटन भएपछि प्रतिनिधि सभामा विचाराधीन रहेका ३० वटा विधेयक निष्क्रिय भएका छन्। प्रतिनिधि सभामा प्रस्तुत भएका विधेयकहरू वा राष्ट्रिय सभाबाट पारित भई प्रतिनिधि सभामा आएका विधेयकहरू, विघटनको कारणले अब अघि बढ्ने छैनन्।

संविधानको धारा १११ अनुसार, कुनै विधेयक प्रतिनिधि सभामा प्रस्तुत भई विचाराधीन रहेको वा प्रतिनिधि सभामा पारित भई राष्ट्रिय सभामा विचाराधीन रहेको अवस्थामा प्रतिनिधि सभा विघटन भएमा त्यस्तो विधेयक निष्क्रिय हुनेछ।

तर, राष्ट्रिय सभामा उत्पत्ति भएका विधेयकहरू भने विघटनको असरबाट बच्नेछन्। यसअर्थमा, राष्ट्रिय सभामा रहेका विधेयकहरूको प्रक्रिया यथावत् रहनेछ। सांस्कृतिक सम्पदा संरक्षण विधेयक, चलचित्र विधेयक, पर्यटन विधेयक, सामाजिक सञ्जाल विधेयक, राष्ट्रिय विधि विज्ञान प्रयोगशाला (स्थापना र सञ्चालन) विधेयकहरू अहिले राष्ट्रिय सभामा विचाराधीन छन् ।

यसरी, प्रतिनिधि सभा विघटन भएपनि राष्ट्रिय सभाका विधेयकहरू अझै क्रियाशील रहनेछन् ।