नेप्से परिसूचक आइतबार दोहोरो अंकले घट्यो, अधिकांश समूह नकारात्मक

Prime TV News १ हप्ता अगाडि

काठमाडौ । नेपाल स्टक एक्स्चेन्ज परिसूचक आइतबार १०.२९ अंकले घटेर २६१०.६३ अंकमा अडेको छ।

साताको पहिलो दिनको कारोबार सुरु हुँदै नकारात्मक रह्यो र दिनभर बजारमा सुधार देखिएन। नेप्सेमा आइतबार ३२३ कम्पनीको सेयर कारोबार भएको थियो। तीमध्ये १७१ कम्पनीको मूल्य घट्यो भने ७९ कम्पनीको मूल्य बढ्यो। ९ कम्पनीको सेयर मूल्यमा कुनै परिवर्तन भएन। विशेषत: विन नेपाल लघुवित्त र श्रीनगर एग्रिटेक कम्पनीको सेयर मूल्य सकारात्मक संकेत देखाएको छ।

समूहगत सूचक पनि अधिकांशमा नकारात्मक देखियो। बैंकिङ -१.९३, विकास बैंक ४४.१६, वित्त २.९९, जलविद्युत् १६.५७, जीवन बीमा ११३.९४, माइक्रोफाइनान्स १५.८१ र निर्जीवन बीमा ९४.४४ समूह घटेका छन्। यस्तै, उत्पादनमूलक ८९.१०), होटल ४३.३७ र व्यापार १२.९१ समूहले मात्र सकारात्मक प्रदर्शन देखाए।

आइतबार ७९,००० कारोबारबाट १ करोड २ लाख ७४ हजार कित्ता सेयर खरिद बिक्री भएको नेप्सेले जनाएको छ। कारोबार रकम ५ अर्ब १ करोड रुपैयाँ पुगेको छ, जुन गत साता बिहीबारको ४ अर्ब ६० करोडभन्दा बढी हो।