नेपाली कांग्रेसले केन्द्रीय कार्यसम्पादन समिति बैठक आह्वान

Prime TV News १ हप्ता अगाडि

काठमाडौ । नेपाली कांग्रेसले केन्द्रीय कार्यसम्पादन समितिको बैठक बोलाएको छ। पार्टी केन्द्रीय कार्यालय सानेपामा सोमबार दिउँसो १ बजे बस्ने गरी बैठक आह्वान गरिएको हो। पार्टीका मुख्यसचिव कृष्णप्रसाद पौडेलले केन्द्रीय कार्यसम्पादन समितिका पदाधिकारी तथा सदस्यहरूलाई बैठकमा अनिवार्य उपस्थित हुन अनुरोध गरेका छन्।

बैठकमा समसामयिक राजनीतिक अवस्था, पार्टीको संगठनात्मक गतिविधि र आगामी रणनीतिबारे छलफल हुने बताइएको छ। साथै, हाल विकसित राजनीतिक घटनाक्रमप्रति पार्टीको धारणा र भावी कार्यदिशाबारे पनि बैठकमा निर्णय हुन सक्ने अपेक्षा गरिएको छ।

नेपाली कांग्रेसको यो बैठकलाई वर्तमान राजनीतिक परिस्थितिमा पार्टीको भूमिका र रणनीति तय गर्ने महत्वपूर्ण बैठकका रूपमा हेरिएको छ।