निर्वाचन ५९ दिन बाँकी: मुख्य निर्वाचन अधिकृत तथा निर्वाचन अधिकृतको जिम्मेवारी तोकियो

Prime TV News १ हप्ता अगाडि

काठमाडौ । निर्वाचन आयोगले आगामी प्रतिनिधिसभा सदस्य निर्वाचनलाई लक्षित गर्दै प्रशासनिक तयारीलाई तीव्र बनाएको छ। आयोगले ३६ जना जिल्ला न्यायाधीशलाई जगेडामा राख्दै मुख्य निर्वाचन अधिकृत तथा निर्वाचन अधिकृतको जिम्मेवारी दिएको छ।

आयोगका अनुसार आज ७७ जना जिल्ला न्यायाधीशलाई मुख्य निर्वाचन अधिकृत तोकिएको छ। प्रतिनिधिसभा सदस्य निर्वाचन आगामी फागुन २१ गतेका लागि मिति तय भइसकेको छ।

प्रतिनिधिसभा सदस्य ऐन, २०७४ को दफा ८ अनुसार न्याय परिषद्को परामर्शमा यही पुस २५ गतेदेखि लागू हुने गरी ८८ जना जिल्ला न्यायाधीशलाई मुख्य निर्वाचन अधिकृत र निर्वाचन अधिकृत नियुक्त गरिएको हो। तीमध्ये आवश्यक परे प्रयोग गर्ने गरी ३६ जनालाई जगेडामा राखिएको आयोगले जनाएको छ।