नेपाली बजारमा सुन चाँदीको मूल्यमा उल्लेख्य वृद्धि

Prime TV News १ हप्ता अगाडि

काठमाडौ । सोमबार नेपाली बजारमा सुन र चाँदीको मूल्यमा उल्लेख्य वृद्धि भएको छ। नेपाल सुनचाँदी व्यवसायी महासंघका अनुसार सुनको मूल्य तोलामा ४ हजार ६ सय रुपैयाँले बढ्दै प्रतितोला २ लाख ६५ हजार रुपैयाँ कायम भएको छ।

अघिल्लो कारोबार दिन सुन प्रतितोला २ लाख ६० हजार ४ सय रुपैयाँमा कारोबार भएको थियो। अन्तर्राष्ट्रिय राजनीतिक तनाव, विशेषगरी अमेरिकाले भेनेजुयलामा गरेको आक्रमण र नियन्त्रणसँग सम्बन्धित घटनाक्रमका कारण विश्व बजारमा सुनको मूल्य तीव्र रूपमा बढेको बताइएको छ। त्यसको प्रत्यक्ष असर नेपाली बजारमा पनि देखिएको महासंघले जनाएको छ।