अधिकतम तापक्रममा भने खासै ठूलो परिवर्तन देखिएको छैन। तराई क्षेत्रमा हिजो घाम लागेका कारण दिनको तापक्रम केही बढेको मौसमविदहरूले बताएका छन्।

तराई मधेशका जिल्लामा बिहानपख हुस्सु र कुहिरो बाक्लो रूपमा जमिरहेकाले यातायात र जनजीवन प्रभावित भएको छ। चिसोका कारण शीत चुहिने अवस्था भए पनि मौसम विज्ञान विभागले हाललाई यसलाई औपचारिक रूपमा ‘शीतलहर’ भन्न मिल्ने अवस्था नरहेको स्पष्ट पारेको छ।

तीन दिनसम्म वर्षा छैन

मौसम पूर्वानुमान महाशाखाका अनुसार आगामी तीन दिनसम्म देशभर उल्लेखनीय वर्षाको कुनै सम्भावना छैन। अधिकांश भूभागमा मौसम सामान्यतया सफा रहनेछ भने पहाडी र हिमाली क्षेत्रका केही स्थानमा आंशिक बदली देखिन सक्छ।

कोशी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भेगका एक–दुई स्थानमा हल्का हिमपात हुन सक्ने अनुमान गरिएको छ। तर ठूलो वर्षा गराउने कुनै मौसमी प्रणाली तत्काल सक्रिय हुने संकेत छैन।