शेयर बजार सामान्य बढ्दै बन्द, सान्भी इनर्जीका लगानीकर्ताले सबैभन्दा बढी नाफा कमाए

Prime TV News ६ दिन अगाडि

काठमाडौ । आजको शेयर बजार सामान्य उकालोमा बन्द भएको छ। नेप्से परिसूचक ४.५९ अंकले बढेर २,६४० विन्दुमा कायम भएको छ। आज १२९ कम्पनीको शेयर मूल्य बढेको छ भने ११५ कम्पनीको शेयर मूल्य घटेको छ।

आज दिनभरिमा ३२८ कम्पनीका १ करोड ४ लाख ३१ हजार ७६० कित्ता शेयर किनबेच हुँदा ४ अर्ब ९० करोड रुपैयाँ बराबरको कारोबार भएको छ। सबैभन्दा बढी कारोबार एसवाई प्यानलको शेयरमा भएको छ । जसको कारोबार २० करोडभन्दा माथि पुगेको छ। यससँगै बंदीपुर केबलकारको शेयर १७.६० करोड र सान्भी इनर्जीको शेयर १५.८९ करोड रुपैयाँ बराबरमा कारोबार भएको छ।

आज सबैभन्दा धेरै नाफा कमाउने कम्पनी सान्भी इनर्जीको लगानीकर्ताले ८.१६ प्रतिशत नाफा कमाएका छन्। यसबाहेक एसवाई प्यानलका लगानीकर्ताले ५.७१ प्रतिशत र खानीखोला हाइड्रोपावरका लगानीकर्ताले ४.६३ प्रतिशत नाफा कमाएका छन्।

विपरीत रूपमा, सुपरमादी हाइड्रोपावरका लगानीकर्ताले सबैभन्दा धेरै गुमाएका छन्, जसको घाटा ३.९० प्रतिशत रहेको छ।