राजनीतिक दललाई निषेध गर्न खोन्ने शक्ति परास्त भएको ओलीको दावी

Prime TV News ४ दिन अगाडि

काठमाडौ । नेकपा एमालेका अध्यक्ष केपी शर्मा ओलीले स्थापित राजनीतिक दललाई निर्वाचनमा भाग लिन नदिने र घरबाट बाहिर निस्कनै नदिने धम्की दिने समूहलाई पार्टीले परास्त गरिसकेको दाबी गरेका छन्।

११औँ महाधिवेशनपछिको दोस्रो केन्द्रीय कमिटी बैठकमा देशको अवस्थाबारे ब्रिफिङ गर्दै ओलीले यस्तो बताएका हुन्। ओलीले ‘माकाफुइँ’ प्रवृत्तिले लोकतान्त्रिक व्यवस्थामाथि आक्रमण गर्न खोजे पनि एमाले त्यसविरुद्ध दृढतापूर्वक उभिएको बताए।

जेनजी आन्दोलनपछि आफूमाथि बदनियतका साथ लगाइएका आरोपको सामना गरिएको उल्लेख गर्दै उनले एमाले कमजोर बनाउन आगामी दिनमा पनि यस्ता आक्रमण दोहोरिन सक्ने चेतावनी दिए। त्यस्ता गतिविधिसँग नझुक्ने र डटेर सामना गर्ने तयारीमा पार्टी रहनुपर्ने उनको भनाइ थियो।