नेपाल उच्च भूकम्पीय जोखिममा रहेको मुलुक हो। विगतका भूकम्पहरूले ठूलो जनधनको क्षति पुर्‍याएका छन्। विसं १९९० को भूकम्पले देशका धेरै भागमा व्यापक क्षति पुर्‍याएको थियो भने विसं २०७२ वैशाख १२ गते गएको भूकम्पले झनै ठूलो क्षति निम्त्याएको थियो

उक्त भूकम्पबाट हजारौँ नागरिकको ज्यान गएको थियो भने लाखौँ घर संरचना ध्वस्त भएका थिए। विज्ञहरूले भूकम्पलाई रोक्न नसकिए पनि सुरक्षित निर्माण, भवन संहिता पालना, व्यवस्थित बस्ती विकास र नियमित अभ्यासमार्फत क्षति न्यूनीकरण गर्न सकिने बताउँदै आएका छन्।

तर अझै पनि धेरै स्थानमा असुरक्षित संरचना र लापरवाही कायम रहेको भन्दै सरोकारवालाले चिन्ता व्यक्त गरेका छन्। भूकम्प सुरक्षा दिवसका अवसरमा सरकारले सबै नागरिकलाई भूकम्पपूर्व तयारीमा गम्भीर हुन, सुरक्षित घर निर्माण गर्न र आपतकालीन अवस्थामा अपनाउनुपर्ने उपायबारे सचेत रहन आग्रह गरेको छ।