महतले आयोगको निर्णयविरुद्ध संवैधानिक र कानुनी बाटो अपनाउने निर्णय भइसकेको स्पष्ट पारे। उनले भोलि नै सर्वोच्च अदालतमा रिट दायर गरिने जानकारी दिँदै न्यायालयबाट न्याय प्राप्त हुने विश्वास व्यक्त गरे।

उनले निर्वाचन आयोगले अर्को पक्षले गरेको विशेष महाधिवेशनको वैधानिकता, उपस्थित संख्या र प्रक्रिया जाँच नगरी एकतर्फी निर्णय गरेको आरोप पनि लगाए। देउवा पक्षलाई बोलाएर सुनुवाइ गर्ने न्यूनतम प्रक्रिया समेत पूरा नगरी निर्णय गरिएको उनको दाबी छ।

सञ्चारकर्मीहरूको प्रश्नमा महतले शेरबहादुर देउवा नेतृत्वको केन्द्रीय कार्यसमिति नै आधिकारिक रहेको दोहोर्‍याए। सानेपा पार्टी कार्यालय नछोड्ने स्पष्ट सन्देश दिँदै उनले भने, अहिले पनि शेरबहादुर देउवाको सभापतित्वमा पूर्णबहादुर खड्का कार्यवाहक सभापति रहेको संरचनालाई नै पार्टीको वैधानिक नेतृत्व मानिनेछ।