आचार्यले आर्थिक अवस्था र पार्टीभित्र नयाँ पुस्तालाई अवसर दिनुपर्ने आवश्यकतालाई आफ्नो निर्णयको मुख्य कारण बताएका छन्। एउटै अनुहार पटक पटक उम्मेदवार बन्नु गलत सन्देश जाने भन्दै उनले नेतृत्वसँग आफ्नो नाम प्रस्ताव नै नगर्न आग्रह गरेका छन्।

उनले आफ्नो क्षेत्रका लागि कुनै पनि व्यक्तिको नाम सिफारिस नगरेको पनि स्पष्ट पारेका छन्। उम्मेदवार छनोट पार्टीको प्रक्रिया अनुसार हुनुपर्ने र आफूले त्यसमा हस्तक्षेप नगर्ने उनको भनाइ छ।

एमालेको ११ औँ महाधिवेशनमा उपाध्यक्ष पदमा उम्मेदवार बनेका आचार्य दुबै पदमा पराजित भएका थिए। सो महाधिवेशनको समय आसपास अख्तियार दुरुपयोग अनुसन्धान आयोगले पोखरा क्षेत्रीय अन्तर्राष्ट्रिय विमानस्थल निर्माण प्रकरणमा उनीसहितका तत्कालीन पदाधिकारीविरुद्ध भ्रष्टाचार मुद्दा दायर गरेको थियो।

आचार्य २०७० सालको दोस्रो संविधानसभा निर्वाचनमा सुनसरी–६ बाट निर्वाचित भएका थिए। त्यस कार्यकालमा संस्कृति, पर्यटन तथा नागरिक उड्डयन मन्त्री रहेका उनले पोखरा र भैरहवामा अन्तर्राष्ट्रिय विमानस्थल निर्माण प्रक्रिया अघि बढाएका थिए।

यद्यपि, उनीमाथि दायर मुद्दाका कारण उम्मेदवार बन्न कानुनी अवरोध भने छैन। कानुनअनुसार फौजदारी मुद्दामा दोषी ठहर भएमा मात्र उम्मेदवारी दर्ता नहुने व्यवस्था छ।