रूपन्देही–२ बाट राप्रपाकी कार्भिका थापाले उम्मेदवारी फिर्ता लिइन्

Prime TV News एक महिना अगाडि

रूपन्देही । राष्ट्रिय प्रजातन्त्र पार्टीबाट रूपन्देही क्षेत्र नम्बर २ मा उम्मेदवार बनेकी कार्भिका थापाले उम्मेदवारी फिर्ता लिएको घोषणा गरेकी छन्।

थापा, राप्रपा नेता एवं पूर्व कानुनमन्त्री निरन्जन थापाकी छोरी, केही दिनभित्रै अमेरिका जाने तयारीमा रहेको बताइएको छ।

उनले आफ्नै भनाइमा, “म विगत १४ वर्षदेखि विदेशमा अध्ययन र सीप आर्जन गर्दै आएकी छु। त्यसपछि नेपालमै फर्केर काम गरें। युवाहरू विदेश नजाने र राष्ट्रमै बसेर देश सेवा गर्न सकून् भन्ने सोचका साथ मैले उम्मेदवारी दिएको थिएँ। तर संविधान अनुसार स्थायी आवास अनुमति पत्र (ग्रीन कार्ड) भएकोले कम्तीमा तीन महिना कार्ड परित्याग गरेपछि मात्र उम्मेदवारी दिन सकिन्छ भन्ने जानकारी पाएपछि फिर्ता लिएको निर्णय गरेकी छु।”

थापाले विज्ञप्तिमा भनिन् कि कुनै विरोध वा उजुरी नपरेको भए पनि राप्रपाको अनुरोध अनुसार संविधानको भावना र कानूनको सम्मान गर्दै उम्मेदवारी फिर्ता लिइएको हो। उनले आफ्नो राजनीतिक सेवा भावना रोकिएको नभएको र राजनीति भित्र वा बाहिर रहँदै प्रविधि, उद्यमशीलता, युवा महिला सशक्तीकरण तथा सुशासनका लागि निरन्तर काम गर्ने योजना रहेको बताएकी छन्।