मानसिङ बिक ले उम्मेद्वारी फिर्ता लिदै, गरे रमेश मल्ललाई समर्थन
Prime TV News एक महिना अगाडि 
काठमाडौ । आम जनता पार्टी सल्यानका उम्मेदवार मानसिङ बिक ले उमेद्वारी फिर्ता लिएका छन् । उनले नेकपाका उम्मेद्वार रमेश मल्ललाई समर्थन गर्दै आफ्नो उमेद्वारी फिर्ता लिएका हुन् । आसन्न प्रतिनिधि सभा सदस्य निर्वाचनका लागि सल्यानमा विक सहित १६ जनाको उम्मेदवारी दर्ता गरेका थिए ।
सल्यानमा मुख्य प्रतिस्पर्धामा नेपाली कांग्रेसका जिल्ला सभापति केशबहादुर विष्ट, नेकपा एमालेका कर्णाली प्रदेश अध्यक्ष गुलावजंग शाह र नेपाली कम्युनिष्ट पार्टीका नेता रमेश मल्ल देखिएका छन्। विगतका निर्वाचनमा यस जिल्लामा नेकपाका उम्मेद्वार विजयी हुँदै आएका छन् ।
मल्ले स्थानीय पूर्वाधार विकास, सुशासन, रोजगारी सिर्जना, शिक्षा र स्वास्थ्य सेवामा सुधारलाई प्रमुख मुद्दा बनाउँदै युवाको सहभागिता र नयाँ सोचसहित संसदमा प्रभावकारी भूमिका खेल्ने दाबी गरेका छन्। आफ्नो उम्मेद्वारी समयको माग संगै युवाको चहाना भएको उल्लेख गर्दै नेता मल्लले युवाको आशा र भरोसालाई सम्बोधन गर्दै पुरा नभएका कामहरुलाई आफूले जिम्मेवारी पूर्वक पूरा गर्ने बताएका छन् ।
विद्यार्थी राजनीतिबाट उठेका रमेश मल्ल तत्कालीन माओवादीको विद्यार्थी संगठन अखिल (क्रान्तिकारी)का अध्यक्ष रहिसकेका छन्। उनी प्रचण्डको सचिवालयमा समेत काम गरिसकेका छन्। यो रमेश मल्लको पहिलो चुनावी प्रतिस्पर्धा हुनेछ।
