इंग्ल्यान्डले श्रीलंकालाई तेस्रो खेलमा ५३ रनले हराउँदै ओडिआई सिरिज २–१ ले जित्यो
Prime TV News एक महिना अगाडि 
काठमाडौ । ह्यारी ब्रुक र जो रुटको नटआउट शतकीय इनिङको मद्दतमा इंग्ल्यान्डले श्रीलंकालाई तेस्रो खेलमा ५३ रनले हराउँदै ओडिआई सिरिज २–१ ले जितेको छ।
आर प्रेमदासा रंगशालामा भएको खेलमा इंग्ल्यान्डले ५० ओभरमा ३ विकेटको क्षतिमा ३ सय ५७ रन बनायो । कप्तान ब्रुकले विष्फोटक ब्याटिङ गर्दै ६६ बलमा ११ चौथो र ९ छक्कासहित १ सय ३६ रन बनाए। रुटले १ सय ८ बलमा ९ चौका र १ छक्काका साथ १ सय ११ रन जोडे।
बलिङतर्फ श्रीलंकाका वानिन्दु हसरंगा, जेफ्री भान्डरसे र जेमी ओभरटनले समान १ विकेट लिए पनि इंग्ल्यान्डको ठूलो स्कोर रोक्न सकेनन्। ३ सय ५८ को ठूलो लक्ष्य पछ्याउँदै श्रीलंकाले ४६ दशमलव ४ ओभरमा सबै विकेट गुमाएर ३ सय ४ रन बनायो ।
पाथुम निसांकाले अर्धशतक पूरा गरे । कुसल मेंडिसले २० रन बनाए। इंग्ल्यान्डका बलरमध्ये आदिल राशिद , लियाम डसन, विल ज्याक्स र जेमी ओभरटन समान २ विकेट लिए। यो हारसँगै श्रीलंकाले पाँच वर्षपछि घरेलु मैदानमा ओडिआई गुमाएको छ । इंग्ल्यान्डले ३ वर्षपछि विदेशी भूमिमा द्विपक्षीय सिरिज जितेको छ ।
