ललितपुरको बाउनडाँडामा मिनी ट्रक भीषण दुर्घटना, चार जनाको मृत्यु
Prime TV News २ हप्ता अगाडि 
काठमाडौ । ललितपुरको कोञ्जोसोम गाउँपालिका–१ बाउनडाँडामा शुक्रबार राति बालुवा बोकेको मिनी ट्रक दुर्घटनामा पर्दा चार जनाको ज्यान गएको छ।
प्रदेश–०१–००४क ६२२८ नम्बरको मिनी ट्रक सडकबाट करिब ५ सय मिटर तल खसेको हो। दुर्घटनामा चालक ललितपुर गोदावरी नगरपालिका–६ का ५२ वर्षीय गणेश खड्का र ट्रकमा सवार सोही स्थानका ४२ वर्षीय गणेश थापाको घटनास्थलमै मृत्यु भएको प्रहरीले जनाएको छ।
दुर्घटनामा गम्भीर घाइते भएका ४० र ५० वर्षीय दुई पुरुषलाई उपचारका लागि पाटन अस्पताल पुर्याइए पनि चिकित्सकले मृत घोषणा गरेका छन्। उनीहरूको परिचय खुल्न बाँकी रहेको जिल्ला प्रहरी कार्यालय ललितपुरले जनाएको छ।
प्रहरीका अनुसार मिनी ट्रक बालुवा लिएर आउँदै गर्दा दुर्घटनामा परेको हो। दुर्घटनाको कारणबारे अनुसन्धान भइरहेको छ। पहाडी सडक, रातिको समय र भारी बोकेको सवारी साधन यी सबै मिल्दा जोखिम अत्यन्त बढ्छ।
परिणाम क्रूर छ: चार जनाको ज्यान गयो। यस्ता घटनाले सडक सुरक्षा र ढुवानी व्यवस्थापनमा रहेको गम्भीर कमजोरी फेरि एकपटक उजागर गरेको छ।
