नेपाली कांग्रेसले आज काठमाडौमा प्रत्यक्ष प्रश्नोत्तर कार्यक्रम गर्दै, चुनावी प्रतिज्ञापत्रको बारेमा जानकारी दिने
Prime TV News १ हप्ता अगाडि 
काठमाडौ । नेपाली कांग्रेसले आज काठमाडौको राष्ट्रियसभागृहमा प्रत्यक्ष प्रश्नोत्तर कार्यक्रम आयोजना गर्ने भएको छ।
यस कार्यक्रममा पार्टीका सभापति गगनकुमार थापाले पार्टीको चुनावी प्रतिज्ञापत्रमा समेटिएका मुख्य विषयहरूमा खुला प्रश्नोत्तर गर्दै देश र विदेशका नागरिकबाट आउने प्रश्नहरूको जवाफ दिनेछन् । नेपाली कांग्रेसले बुधबार धनुषाको जनकपुरधाममा आफ्नो चुनावी प्रतिज्ञापत्र सार्वजनिक गरेको थियो।
यस प्रतिज्ञापत्रमा समावेश प्रमुख योजनाहरू र कार्यप्रणालीबारे विस्तृत जानकारी दिन आजको प्रश्नोत्तर कार्यक्रम राखिएको हो। कांग्रेस प्रवक्ता देवराज चालिसेले भने, "आजको कार्यक्रमले कांग्रेसको चुनावी प्रतिज्ञापत्रका विषयमा नागरिकलाई स्पष्ट जानकारी दिनेछ। पार्टीको नीति र योजनाहरूलाई जनतासम्म पुर्याउन यस कार्यक्रमको महत्त्वपूर्ण भूमिका हुनेछ।"
यस कार्यक्रमबाट नेपाली कांग्रेसले आगामी निर्वाचनका लागि आफ्नो योजनाहरू प्रस्तुत गर्दै जनताको चासो र जिज्ञासाको उत्तर दिने छ। यसले मतदाताहरूलाई पार्टीको दृष्टिकोण र प्रतिबद्धताबारे गहिरो समझ दिन मद्दत पुर्याउने अपेक्षा गरिएको छ।
