विदेशी मुद्राको विनिमयदरमा वृद्धि, अमेरिकी डलरको मूल्य हालसम्मकै उच्च विन्दुमा

Prime TV News १ हप्ता अगाडि

काठमाडाै । नेपाल राष्ट्र बैंकले आजका लागि सार्वजनिक गरेको विदेशी मुद्राको विनिमयदर अनुसार प्रमुख मुद्राहरूको मूल्यमा वृद्धि देखिएको छ। आज अमेरिकी डलर, युरो, पाउन्ड स्टर्लिङ, अस्ट्रेलियन डलर, कुबेती दिनार र बहराइन दिनारसहित अधिकांश मुद्राहरूको खरिद तथा बिक्री दर हिजोको तुलनामा बढेको छ।

आज अमेरिकी डलर एकको खरिददर १४१ रुपैयाँ र बिक्रीदर १४१ रुपैयाँ ६० पैसा पुगेको छ। हिजो सो दर क्रमशः १४० रुपैयाँ ६५ पैसा र १४१ रुपैयाँ २५ पैसा थियो। यसअघि भदौ २७ गते अमेरिकी डलरको खरिददर १४१ रुपैयाँ २२ पैसा र बिक्रीदर १४१ रुपैयाँ ८२ पैसा पुगेको थियो, जुन अहिलेसम्मकै उच्च दर हो।

युरो एकको आजको खरिददर १६६ रुपैयाँ ०२ पैसा र बिक्रीदर १६६ रुपैयाँ ७३ पैसा निर्धारण गरिएको छ। हिजो युरोको खरिददर १६५ रुपैयाँ २० पैसा र बिक्रीदर १६५ रुपैयाँ ९१ पैसा थियो। पाउन्ड स्टर्लिङको खरिददर आज १९० रुपैयाँ ३२ पैसा र बिक्रीदर १९१ रुपैयाँ १३ पैसा रहेको छ भने हिजो सो दर क्रमशः १८९ रुपैयाँ ४६ पैसा र १९० रुपैयाँ २६ पैसा थियो।

त्यस्तै, अस्ट्रेलियन डलर एकको खरिददर आज ९२ रुपैयाँ ९९ पैसा र बिक्रीदर ९३ रुपैयाँ ३९ पैसा पुगेको छ। हिजोको खरिददर ९२ रुपैयाँ ७४ पैसा र बिक्रीदर ९३ रुपैयाँ १४ पैसा थियो। कुबेती दिनारको आजको खरिददर ४६२ रुपैयाँ ३७ पैसा र बिक्रीदर ४६४ रुपैयाँ ३४ पैसा रहेको छ भने हिजो सो दर क्रमशः ४६१ रुपैयाँ ३७ पैसा र ४६३ रुपैयाँ ३४ पैसा थियो।

\बहराइन दिनारको विनिमयदर पनि बढेको छ। आज यसको खरिददर ३७३ रुपैयाँ ९६ पैसा र बिक्रीदर ३७५ रुपैयाँ ५५ पैसा छ। हिजो खरिददर ३७३ रुपैयाँ र बिक्रीदर ३७४ रुपैयाँ ५९ पैसा थियो।