सर्वोच्चले माग्यो निर्वाचन आयोगलेसँग लिखित जवाफ

Prime TV News ६ दिन अगाडि

काठमाडौ । यही फागुन २१ मा हुन लागेको प्रतिनिधिसभा निर्वाचनअघि, सर्वोच्च अदालतले विदेशी पुरुषसँग विवाह गरेका महिला उम्मेदवारहरूको विवरण सार्वजनिक नगरेकोमा निर्वाचन आयोगसँग लिखित जवाफ माग्ने आदेश जारी गरेको छ।

अधिवक्ता राजकुमार सुवालले बुधबार दायर गरेको रिटमा सुनुवाइ गर्दै न्यायाधीश अब्दुल अजिज मुसलमानको एकल इजलासले आयोगसँग यसबारे स्पष्ट जानकारी पेश गर्न आदेश दिएको हो। रिट अनुसार, विदेशी पुरुषसँग विवाह गरेका महिला उम्मेदवारहरूको विवरण सार्वजनिक नगरेको कारण उजुरी गर्न बाधा पुगेको र मतदाता नामावली ऐन, २०७३ अनुसार जोसुकैले पनि झुटो विवरण पाए उजुरी दिन सक्ने व्यवस्था भए पनि यसलाई कार्यान्वयन गर्न सकिएको छैन।

अधिवक्ताले दाबी गरेका छन् कि उम्मेदवारको पारिवारिक र व्यक्तिगत विवरण पारदर्शी हुनुपर्ने आवश्यकता छ, ताकि झुटो विवरण दिएबापत उजुरीको कानुनी अधिकार सुनिश्चित गर्न सकियोस् । सर्वोच्चको आदेशपछि निर्वाचन आयोगले यसबारे आगामी दिनमा लिखित जवाफ दिनेछ।