मतगणना नहुँदा मतपेटिका नछोड्न नेकपाको निर्देशन

Prime TV News ५ दिन अगाडि

काठमाडौ । नेपाली कम्युनिष्ट पार्टीले फागुन २१ मा हुने प्रतिनिधिसभा सदस्य निर्वाचनको तयारीका लागि आफ्नो मातहतका कमिटीलाई परिपत्र जारी गरेको छ। परिपत्र संयोजक पुष्पकमल दाहाल ‘प्रचण्ड’ र सहसंयोजक माधव नेपालले पठाएका हुन्।

नुवाकोट–काठमाडौँ सम्पर्क समन्वय समितिद्वारा आयोजित कार्यक्रममा प्रचण्डले परिपत्र मतदान प्रक्रियामा सुरक्षा र व्यवस्थित व्यवस्थापन सुनिश्चित गर्न लक्षित रहेको बताए। उनले भने, “परिपत्र मतदानसँग मात्र सम्बन्धित छ। मतदातालाई सुरक्षित तरिकाले मतदान केन्द्रसम्म लैजान, मतदान सहज र सही तरिकाले सम्पन्न गराउन, बुथ र मतपेटिकाको सुरक्षा सुनिश्चित गर्न निर्देशित गरिएको हो।”

परिपत्रमा उम्मेदवारका प्रतिनिधि, दलका प्रतिनिधिहरूको उपस्थिती, मतपेटिकाको सुरक्षासँग सम्बन्धित नियम र मतगणना नहुँदा मतपेटिका नछोड्ने व्यवस्था समेटिएको छ। साथै प्रचण्डले मतदातालाई पार्टीको निर्वाचन चिन्ह ‘तारा’ बारे जानकारी दिन निर्देशन दिएका छन्। यस कदममार्फत पार्टीले निर्वाचन सुरक्षित, पारदर्शी र व्यवस्थित हुने सुनिश्चित गर्ने प्रयास गरेको बताइएको छ।