अभियानका क्रममा ओली दमकका विभिन्न वडामा पुगेका थिए। घरदैलो कार्यक्रममा स्थानीयको उल्लेख्य उपस्थिति देखिएको थियो, जहाँ मतदाताले विकास र आधारभूत सेवासम्बन्धी आफ्ना समस्या खुलेर राखेका थिए।

स्थानीय बासिन्दाले खानेपानीको अभाव, सडक पूर्वाधारको कमजोर अवस्था तथा सुकुम्बासी समस्या दीर्घकालीन रूपमा समाधान हुन नसकेको गुनासो गरेका छन्। युवाहरूले रोजगारी र भविष्यको दिशाबारे प्रश्न उठाउँदै स्पष्ट योजना मागेका थिए।

यसको जवाफमा ओलीले आफू प्रधानमन्त्री हुँदा सुरु भएका तर अधुरा रहेका आयोजनाहरूलाई पूरा गर्ने प्रतिबद्धता जनाए। उनले झापा–५ लाई विकासका दृष्टिले नमूना क्षेत्र बनाउने लक्ष्यसहित पुनः जनताको बीचमा आएको बताएका छन्।

ओलीको सक्रिय उपस्थितिसँगै झापा–५ मा चुनावी गतिविधि थप चर्किएको छ। शीर्ष नेताको घरदैलो अभियानले क्षेत्रको राजनीतिक माहोल तातिँदै गएको देखिन्छ ।