यस विषयमा चासो बढ्नुको कारण हालै अमेरिकी न्याय विभागले सार्वजनिक गरेका दस्तावेज हुन्। ती कागजातमा समावेश केही तस्बिर र विवरणका कारण एपस्टिनसँग सम्बन्ध राखेका शक्तिशाली व्यक्तिहरूको भूमिकामाथि पुनः प्रश्न उठेको छ।

यसअघि संसदीय समितिले क्लिन्टनकी पत्नी तथा पूर्व विदेशमन्त्री हिलारी क्लिन्टनसँग पनि बयान लिइसकेको छ। उनले पनि एपस्टिनको अपराधबारे आफूलाई कुनै जानकारी नभएको बताएका थिए।

एपस्टिन यौन अपराध प्रकरणले अमेरिकामात्र होइन, अन्तर्राष्ट्रिय राजनीतिमा समेत ठूलो तरङ्ग ल्याएको छ। विभिन्न देशका उच्च पदस्थ व्यक्ति र प्रभावशाली व्यक्तित्वहरू अनुसन्धानको दायरामा तानिँदै गएका छन्। यही कारण विश्वभर कानुनी, राजनीतिक र कूटनीतिक तहमा दबाब बढ्दै गएको देखिन्छ।

अनुसन्धान अझै जारी रहेकाले आगामी दिनमा थप खुलासा र बयान सार्वजनिक हुने सम्भावना उच्च रहेको बताइएको छ ।